Ungdomsrådet i Time støttar felles ungdomsskule med Klepp på Kvernaland
Ungdomsrådet i Time slutta seg 25. august til planane om ein felles ungdomsskule for Klepp og Time på Kvernaland frå skuleåret 2027/2028. Endeleg vedtak blir gjort av kommunestyret.
Ungdomsrådet i Time kommune behandla 25. august ei sak om felles ungdomsskule på Kvernaland saman med Klepp kommune.
Kommunedirektørens innstilling, som ungdomsrådet slutta seg samrøystes til, er at Time kommunestyre vedtek ein vertskommuneavtale med Klepp om felles ungdomsskule på Kvernaland med verknad frå 1. august 2027, med oppstart for skuleåret 2027/2028. Naudsynte tilpassingar av bygg og uteområde skal gjennomførast frå hausten 2026 og vere klare til skulestart 2027. Det er sett av 500 000 kroner til eit forprosjekt i andre tertial, mens den totale investeringsramma skal innarbeidast i Time kommune sin handlings- og økonomiplan for 2027-2030. Det skal òg leggjast fram ei eiga namnesak for den nye skulen, som etter planen skal vere felles ungdomsskule for Orstad og Frøyland.
Saka går no vidare til endeleg handsaming i kommunestyret.
Andre saker
Ungdomsrådet valde Erlend Eide og Fleur Amelie De Quartel som representantar til ungdomskonferansen 7. november 2026, med Thor Bloch Breiland og Maria Berg som vara. Rådet godkjente òg politisk møteplan for 2027, som samstundes vart godkjent av Senior- og Brukarrådet.