Hjartdal fordeler 200.000 kroner i Bufdir-tilskot til barn og unge
Utval for levekår og kultur i Hjartdal fordelte 200.000 kroner i tilskotsmidlar frå Bufdir til det kommunale førebyggingsprogrammet for barn og unge, og fekk høyre at sektor for oppvekst og kultur har fått fleire millionar kroner i prosjektmidlar.
Utval for levekår og kultur i Hjartdal møttest i kommunestyresalen på kommunehuset, med leiar Audun Dølen. Møtet starta med omvisning i det nye helsehuset, som skal vere innflyttingsklart 1. november.
Utvalet vedtok samrøystes kommunedirektøren sitt forslag til fordeling av 200.000 kroner i tilskotsmidlar frå Bufdir til det kommunale førebyggingsprogrammet for barn og unge i 2026. Tiltaka skal bidra til inkludering, deltaking, leseglede, fritidsaktivitetar og styrkt ungdomsmedverknad. Utvalet tok også årsmeldinga for omsett alkohol og sal- og skjenkeløyve i 2025 til orientering.
Kommunalsjefane orienterte om status i sektorane, og opplyste at sektor for oppvekst og kultur har søkt og fått fleire millionar kroner i prosjektmidlar til mellom anna prosjektet «Med hjerte for alle i Telemarksbygda» mot rasisme og diskriminering, skulebibliotek, etablering av ny fritidsklubb og ordninga med ungdomslos.