Hyllestad varsler trangere budsjett etter svikt i havbruksinntekter
Arbeidsmiljøutvalet i Hyllestad fekk 25. august ei orientering om at reduserte havbruksinntekter og eit overforbruk på rundt tre millionar kroner gjer det økonomiske arbeidet vanskelegare framover.
Arbeidsmiljøutvalet (AMU) i Hyllestad kommune møttest 25. august. Kommunedirektøren orienterte om at havbruksinntektene truleg blir om lag ti millionar kroner mindre enn budsjettert, noko som gjer det vanskelegare å få budsjettet i balanse. Innsparingane som må til, vil ifølge orienteringa truleg gå ut over kommunens tilbod og kunne føre til redusert bemanning.
I oppfølginga av nøkkeltal kom det fram at kommunen ved andre kvartal 2026 ligg med eit overforbruk på rundt tre millionar kroner.
Røykfri kommune
Kommunedirektøren orienterte òg om planar for å innføre røykeforbod på alle kommunale arbeidsplassar og uteområde, utover det som allereie følgjer av røykelova. Tilbakemeldinga i utvalet var positiv, med innspel om at forbodet også bør omfatte snus og e-sigarettar.
Sjukefråvær
Det samla sjukefråværet i kommunen ligg per dato på 6,2 prosent i 2026. Fordelt på tenesteområde var fråværet 9,7 prosent i institusjonen, 8,4 prosent i miljøtenesta, 7,7 prosent i heimesjukepleien, 7,4 prosent i barnehagen, 5,8 prosent i skulen og 3,6 prosent i reinhald.
Utvalet drøfta også Kommunebarometeret, der Hyllestad skårar lågt. Det vart peikt på at mange av måleparametera for små kommunar er prikka av konfidensialitetsomsyn, noko som gjev eit negativt utslag, og at utvalet difor legg liten vekt på målinga.